0
4
8
2
9
3
बाप्पाचा आशीर्वाद
मन प्रसन्न होई माझे
दर्शन घेता सुखकर्त्याचे
निश्चल होतसे जगणे हे
ढग ओसरती निराशेचे
बाप्पाचा आशीर्वाद संगत
नसे भय भीती न शंका
निर्विकार तो गजमुख
आद्यपुजेचा मानाचा डंका
बाप्पा तुझं येणं म्हणजे
जणू सालभराची शिदोरी
नाम स्मरुण पोशिंदा
खातो कष्टाची भाकरी
बाप्पा कृपादृष्टी असू दे
माझ्या बळीराजावर
भाव मिळू दे मालाला
सोसावी किती परवड
ढोलताशांच्या गजरात
मिरवणूक तुझी काढू
सद्बुद्धी दे तरुणाईला
सुसंस्कारात आम्ही वाढू
बळवंत शेषेराव डावकरे
मुखेड जिल्हा नांदेड
==========
0
4
8
2
9
3
