0
4
8
2
8
6
पावसाची आठवण
आभाळ भरून आले
की तुझी आठवण येते
थेंब थेंब आठवणीचे
आठवणीचा पूर होते
पावसाच्या पहिल्या सरीत
चिंब चिंब भिजायचीस
नजरेला नजर भिडवून
किती गोड लाजायचीस
खुललेलं यौवन तुझं
इंद्रधन भासायच
प्रेमपिसारा फुलवून
मनमयूर नाचायच
पाऊस येऊन गेला की
आंगनात तळ साचायच
चिंब होऊन डोळ्यापुढे
तुझं येणं जाणं असायचं
मिलनाची ओढ सखे
डोळ्यात तुझ्या दिसायची
तुझ्यात विरघळून जाण्याला
माझी सहमती असायची
पहिल्यासारखा आभाळ
आता भरून येत नाही
आलाच कधी पाऊस
तर मी पावसात जात नाह
प्रकाश पुंडलिक गोधने
कंधार जि. नांदेड
==========
0
4
8
2
8
6
