भगवान बाबा देवावतारी; राजश्री ढाकणे-मिसाळ

भगवान बाबा देवावतारी

बैसोनी पाण्यावरी बाबा
वाचियेली तुम्ही ज्ञानेश्वरी
थोर राष्ट्रसंत जयंती आज
महाराष्ट्र सारा वंदन करी…!!

अडाणी बहुजनांस तुम्ही
कीर्तनातून जागृत केले
जमिनी विकून शिकण्याचे
महामूलमंत्र तुम्ही दिले….!!

अंधश्रद्धा मिटवून तुम्ही
थांबविले पशुपक्षी बळी
दिशाहीन समाजात बाबा
फुलविली विज्ञान कळी….!!

भक्तिमार्ग अवलंबून तुम्ही
संसार दुःख कमी केले
ज्ञानमार्ग यशस्वी जीवन
जीवन गुपित शिकविले…!!

किर्तीचा गंध दाहीदिशांना
भगवान बाबा देवावतारी
जयंतीनिमित्त हात जोडून
झुकतो माथा चरणावरी…!!

राजश्री मिसाळ ढाकणे बीड

0 4 8 2 9 7