0
4
8
2
9
4
वृद्धत्वाची वेदना
माणूस वृद्ध झाला की,
नकोसा वाटतो घराला,
त्याचं साधं बोलणंही
बोचतं अनेकांच्या मनाला.
कसा जगला असेल तो,
या भानगडीत पडत नाही,
ऐकाव्या वाटतात वेदना,
पण त्या ऐकायच्या नाहीत.
पिढीतील विचारांचं अंतर
असल्याचं कारण देतात,
माणसासारखी वागणूक
देण्याऐवजी त्याला छळतात.
“काय कमावलं तुम्ही?”
असे टोमणे मारले जातात,
“अक्कल नाही!” म्हणत
लहानमोठे चिडवतात.
आदर नसेल करत तर
हरकत नाही, नका करू,
माणूस म्हणून जगण्याचं
स्वातंत्र्य नका हिसकावू.
डॉ. बालाजी राजूरकर
हिंगणघाट जि. वर्धा
========
0
4
8
2
9
4
